Reperi i njohur A$AP Rocky po përballet me një gjyq. Një gjykatës në Los Angeles vendosi se reperi emri i vërtetë i të cilit është Rakim Mayers duhet të dalë në gjyq me akuzën se qëlloi me armë zjarri ndaj një shoku gjatë një incidenti të vitit 2021 në Hollywood. Rocky është deklaruar i pafajshëm për dy akuza të krimit për sulm me armë zjarri gjysmë automatike.
Gjykatësi përcaktoi se videot dhe dëshmia tregonin prova të mjaftueshme që çështja të shkonte në gjyq. “Ne nuk jemi të zhgënjyer, nuk jemi të befasuar, ne prisnim të shkonim në gjyq, ne jemi përgatitur për gjykim gjatë gjithë kohës”- tha avokati i Rocky-t Joe Tacopina. “Rocky do të dalë i pafajshëm kur e gjithë të thuhet, pa diskutim.”-vijoi ai.
Gjatë seancës paraprake, shoku i fëmijërisë së Rocky-t, A$AP Relli emri i vërtetë i të cilit është Terell Ephron dëshmoi se dyshja kishin pasur një grindje më 6 nëntor 2021. Rocky, dyshohet se i drejtoi një armë gjatë një debati të nxehtë. Më pas, reperi nxori armën dhe dyshohet se qëlloi dy herë me armë në drejtim të Rellit.
“Pa e ditur, A$AP Rocky nuk po planifikonte vetëm një bisedë dhe erdhi i armatosur me një pistoletë gjysmë automatike,”-thanë avokatët e Relli, Jamal Tooson dhe Brian Hurwitz në një deklaratë për ‘Rolling Stone’. “Pas mbërritjes në vendndodhje, pasoi një bisedë ku pa provokim, paralajmërim apo ndonjë justifikim, A$AP Rocky nxori pistoletën dhe qëllimisht qëlloi drejt Ephron.” Avokati i Rellit pretendoi se ai mori lëndime të lehta në dorën e majtë.
