Një tjetër bebush ka ardhur në jetë që ka lumturuar pa masë një ndër reperat më të dashur shqiptar. Bëhet fjalë për Vig Poppa i cili është bërë baba për herë të dytë.
Këtë lajm kaq të bukur e ka bërë të ditur vetë reperi me anë të një postimi në rrjetet sociale ku nuk ka ngurruar të shfaqë portretin e vogëlushit. Ndryshe nga personazhet e tjerë të famshëm që nuk i shfaqin bebushat e tyre pas lindjes por vendosin të postojnë vetëm foton e dorës së vogël, Vig Poppa ka zgjedhur të mos jetë supersticioz duke bërë të kundërtën.
“Sa shumë të kam pritur” -shkruan artisti duke na emocionuar të githëve me pamjet e para të djalit të tij. Ai dhe bashkëshortja Ena janë gjithashtu prindër të një tjetër djali çapkën i quajtur Domi. Ne i urojmë jetë të gjatë foshnjes së tyre të porsalindur emrin e të cili Vigu ende nuk e ka zbuluar.
