Ajo njihet për sensin e saj të jashtëzakonshëm të stilit. Madje edhe në një mbrëmje të relaksuar takimi, Rihanna me siguri ishte brenda rregullave të modës. 33-vjeçarja ishte veshur tepër komode, por ende dukej elegante ndërsa shkonte për darkë në Nobu në West Hollywood me të dashurin A$AP Rocky.
Rihanna veshi një xhaketë të zezë dhe blu Marmot Gortex mbi një kostum elegant gri. Ajo gjithashtu bashkoi syze dielli të bardha me një palë taka lëkure Prada. Flokët e saj të gjatë brune ishin në gërsheta teksa ajo shfaqte pamjen e saj natyrale me pak make-up plotësues.
Rocky dukej vërtet mirë me një xhaketë Letterman të verdhë dhe të bardhë mbi kapuç me model, xhinse të gjera dhe atlete kafe dhe të kuqe. ASAP Rocky dhe Rihanna kishin qenë miq për gati një dekadë para se të fillonin të takoheshin zyrtarisht në vitin 2020. Qershorin e kaluar, krijuesi i hitit “Preise The Lord” pranoi në një intervistë me GQ se Rihanna ishte e vetmja.
Mendoj se kur e di, e di. Ajo është e vetmja.
Ndërkohë, duket se marrëdhënia e Rihanna-s dhe të dashurit të saj, ASAP Rocky, po bëhet gjithnjë e më serioze dhe së fundmi mediat e huaja kanë mësuar se viti 2022 mund të jetë i veçantë për çiftin. Dyshja e njohur festuan Vitin e Ri së bashku në shtëpinë e tyre në Barbados dhe sipas burimeve, 2022-shi mund të jetë viti që ata do të thonë: “PO”.
