Së fundmi këngëtari i njohur Ed Sheeran ka bërë një rrëfim tronditës, pasi ka folur për shëndetin e gruas së tij gjatë shtatzënisë së dytë. Cherry u diagnostikua me një tumor ndërsa ishte shtatzënë me fëmijën e tyre të dytë. Çifti mirëpriti vajzën e tyre në maj 2022 dhe janë gjithashtu prindër të 2-vjeçares Lyra Antarctica.
Në një postim të fundit në rrjetin social Instagram 31-vjeçari shpjegoi se kishte luftuar me shëndetin e tij mendor vitin e kaluar teksa u përpoq të pranonte problemet shëndetësore të gruas së tij dhe gjithashtu vajtonte humbjen e mikut të tij më të mirë Jamal Edwards. Jamal, ndërroi jetë pas një arresti kardiak.
View this post on Instagram
Rikujtojmë se së fundmi Adele dhe Ed Sheeran kanë refuzuar të performojnë në koncertin e kurorëzimit të Mbretit Charles III. ‘The Mail on Sunday’ ka zbuluar se artistëve iu kërkua të performonin pasi monarku i kishte kërkuar në koncert. Por, Sheeran dhe Adele kanë thënë se ishin të zënë dhe nuk ishin në gjendje të luanin në këtë event madhështor.
