Përpos dy opinionistëve të spektaklit të “Big Brother VIP” nga ana tjetër është dhe Iva Tiço, e cila mban pozicionin e opinionistes në emisionin e të dielës, “Big Brother VIP Fan CLub”.
Kujtojmë se para disa javësh të gjithë po komentonin rreth marrëdhënies së Semit me Donaldin. Ku ku i fundit ka qenë në një lidhje shumë të bukur me moderatoren Bora Zemani, e cila ka shoqe shumë të ngushtë, më shumë se 15 vitesh, këngëtaren Semi Jaupaj.
Kjo situatë i alarmoi të gjithë e sigurisht nuk mund të lihej pa komentuar në “Fan Club” ku Iva Tiço na shokoi të gjithëve me deklaratën e saj që Jaupaj në të kaluarën e saj ishte lidhur një herë me ish-të dashurin e Borës dhe kjo herë nuk do të ishtë çudi.
Mbrëmjen e së premtes nga shtëpia u largua artistja Jaupaj e cila u gjend sot për një intervistë në “Fun CLub” ku u përball me Ivën për deklaratën e bërë.
Semi u shpreh se kishte mbetur shumë e lënduar nga të gjitha fjalët e thëna nga Tiço dhe se gjëra të tillë, të pavërteta, nuk duhen thënë nga një gazetare profesioniste.
Kam dëgjuar shumë gjëra, por një video 2 minuta, ku ti thoje që i kam marrë të dashurin Borës, ka qenë e vetmja që më ka prekur. Një gazetare profesioniste nuk duhet kurrsesi të thojë gjëra të pavërteta…
Ajo gjithashtu tregoi se nga ato fjalë nuk kishte mbetur e lënduar vetëm ajo, por e gjithë familja e saj ishte tronditur nga diçka e tillë.
Iva tentoi të shfajësohej me faktin se gjatë atyre javëve e vetmja temë diskutimi ishin ata të dy dhe Semi nga ana tjetër pohoi se gazetarja nuk kishte diskutuar për atë gjë por e kishte “vulosur”.
Më pas këngëtarja ka vijuar duke treguar se nëse ky rast do të kishte ndodhur, do të ishte rreth moshës 12-13 vjeçare, ku asnjëra prej tyre ishte personazh publik. Jaupaj ka zbuluar se dashuria e saj e parë ka qenë Bojken Lako dhe diçka e tillë del automatikisht e pavërtetë.
Pasi situata u sqarua, gazetarja Tiço i ka kërkuar ndjesë publike.