Ava Max është një nga këngëtaret më të famshme dhe më të talentuara. Ajo ka arritur suksese të mëdha dhe numëron shumë hite. Së fundmi, artistja e njohur me origjinë shqiptare ka realizuar një bashkëpunim të ri me Jonas Blue, R3HAB dhe Kylie Cantrall. “Sad boy” mban titullin kënga e tyre e re, e cila përkthyer në shqip do të thotë “djalë i trishtuar”.
Pas angazhimeve me koncerte, 27-vjeçarja tashmë ka nis punën për projekte të reja. Një gjë të tillë e ka bërë të ditur përmes disa postimeve të fundit të publikuara në llogarinë e saj në Instagram. Në fotografitë në të cilat dukej e veshur me shumë stil, në kostum ngjyrë rozë, dhe çizme të gjata me ngjyrë të zeza dhe taka të larta, Ava mahniti me ‘look’-un e saj guxues dhe që nuk zhgënjen kurrë . Ajo shkruan:
Brenda pak javësh do të ndaj diçka shumë speciale me ju, a jeni gati?
Ava ditë më parë mbajti koncertin e fundit të turneut në Los Angeles bashkë me grupin Maroon 5 dhe Blackbear. Këngëtarja me origjinë nga Shqipëria vazhdon të shijojë suksesin e albumit të saj të fundit, “Heaven and Hell”, të cilin e publikoi rreth një vit më parë dhe u rendit si albumi i tretë i një artisteje femër, më i dëgjuar në Spotify.
Rikujtojmë, se para se Ava të bëhej e famshme, ka qenë një njeri i thjeshtë si gjithë të tjerët duke u përpjekur të bëjë një punë normale në Amerikë. Ajo e dinte se gjithmonë kishte dashur të bëhej këngëtare. Por ajo u ndikua nga zërat e jashtëm, të cilët e bindën atë se të bëhej një yll popi ishte një shans “një në një miliard”. Max ka treguar gjithashtu se nëna e saj duhej të hiqte dorë nga ëndrra sepse ajo ishte një emigrante dhe nuk kishte para dhe nuk e dinte gjuhën shumë mirë.
