Ndërsa shqetësimet për Covid rriten me përhapjen e variantit të ri Omicron, fansat që duan të shohin Adele në koncert në Las Vegas duhet të vaksinohen. Këngëtarja e “Easy On Me” do të luajë në The Colosseum nga janari deri në prill të vitit të ardhshëm në një total prej 24 shfaqjesh.
Me kaq shumë hite, fansat e yllit të lindur në Tottenham do të jenë të etur për ta parë atë live teksa këndon, por ata duhet të dëshmojnë se janë vaksinuar. Një deklaratë për Ticketmaster thotë:
Organizuesi i ngjarjes kërkon që të gjithë pjesëmarrësit e këtij eventi të jenë vaksinuar plotësisht (14 ditë pas vaksinimit përfundimtar) dhe të kenë marrë një test negativ për COVID-19 brenda 48 orëve nga eventi. Për të hyrë në ngjarje kërkohet edhe prova e vaksinimit dhe prova e testit negativ brenda 48 orëve nga ngjarja. Të dy dokumentet kërkohen për hyrje dhe mund të shfaqen në telefonin tuaj ose si kopje fizike.
Rod Stewart po luan gjithashtu në një ambient me 4,300 vende, por ai po lejon fansat e pavaksinuar me kusht që ata të pranojnë mbajtjen e maskave në çdo kohë, përveç nëse hanë dhe pinë, dhe marrin një kontroll të temperaturës në hyrje të vendit të ngjarjes pas mbërritjes. Sting, i cili do të luajë në The Colosseum qershorin e ardhshëm, aktualisht nuk ka kufizime për Covid për të pranishmit e listuar, edhe pse kjo mund të ndryshojë.
