Qimet e trupit janë një nga temat tabu ku shumë preferojnë të heshtin. Në vend të kësaj, shumë individë mund të përpiqen ta heqin atë në mënyrë obsesive duke përdorur procedura të ndryshme. Por, këta persona ndonjëherë nuk e vënë re se sa përpjekje mendore dhe fizike është vënë në ndjekjen e këtyre normave të vështira.
“Bright Side” vendosi të merrte një perspektivë tjetër mbi këto standarde të vendosura. Ka disa arsye pse të harroni heqjen e qimeve të trupit për një kohë të shkurtër ndihmon në mirëqenien tuaj. Njihuni me to:
1. Të tjerët do të ndiejnë se sa tërheqës jeni.
Gjëndrat e djersës ju ndihmojnë të lironi feromonet tuaja, ndërsa qimet ju ndihmojnë të përhapni erën tuaj. Hulumtimet dëshmojnë se aroma juaj natyrale e trupit luan një rol të rëndësishëm në tërheqjen e njerëzve përreth jush.
2. Mund ta çlironi veten nga dhimbja.
Procedurat e heqjes së qimeve si rruajtja, depilimi mund të sjellin dhimbje dbe acarim veçanërisht për ata që kanë lëkurë të ndjeshme. Por shumë gra vazhdojnë ta bëjnë këtë, duke e bindur veten se kjo është normale dhe e pranueshme, pavarësisht sa shqetësime fizike ndiejnë nga kjo. Ndonjëherë, është e nevojshme të ndaleni për një moment dhe ta lini trupin tuaj të pushojë për hir të mirëqenies dhe shëndetit tuaj.
3. Mund t’ju bëjë të ndiheni më mirë fizikisht.
Qimet në trupin tuaj janë të rëndësishme për të mbrojtur lëkurën dhe për të reflektuar rrezet e diellit. Ajo gjithashtu luan një rol në rregullimin e temperaturës së trupit. Ajri bllokohet midis qimeve dhe lëkurës, duke krijuar një shtresë që ndihmon në izolimin e lëkurës kundër humbjes së nxehtësisë.
4. Ju kujton që ta bëni veten tuaj prioritet.
Pranimi i vetes mbetet ende një sfidë e madhe për shumë prej jush. Ju mund të kritikoni vazhdimisht trupin tuaj dhe të ndiheni nën presion për t’u përshtatur me standardet e bukurisë. Rishikimi i marrëdhënies tuaj me qimet e trupit mund të jetë një hap i fortë në krijimin e një imazhi pozitiv për veten dhe të ndiheni të lirë për ta jetuar jetën ashtu siç dëshironi.
5. Sigurohuni që jeni të rrethuar nga njerëzit e duhur.
“Përqafimi” i qimeve të trupit tuaj gjithashtu mund t’ju ndihmojë të gjeni njerëz që kujdesen vërtet për ju dhe ju pranojnë ashtu siç jeni. Ata nuk do t’ju detyrojnë të ndryshoni veten për ta dhe nuk do t’ju bëjnë të ndiheni të pakëndshëm për trupin tuaj.
6. Mund të keni më shumë kohë për gjëra të tjera.
Mesatarisht, gratë mund të shpenzojnë më shumë se 10,000 dollarë për produktet e heqjes së qimeve dhe deri në 23,000 dollarë për depilim gjatë jetës së tyre. “Përqafimi” i qimeve të trupit tuaj mund t’ju çlirojë nga këto rutina. Në vend të kësaj, ju mund të punoni për të ardhmen tuaj duke investuar këtë kohë dhe para në rritjen tuaj personale ose duke i bërë dhurata të vogla vetes.
Rikujtojmë, se një nga shumë të famshme që dalin hapur publikisht me qime në trupin e tyre dhe nuk e kanë aspak kompleks këtë gjë është vajza e divës së muzikës pop, Madonna-s, Lourdes Leon. Ajo nuk mungon asnjëherë të jetë në qendër të vëmendjes me veprimet e saj dhe stilin e jetesës. Në mbrëmjen e “Met Gala” ajo u shfaq siç zakonisht jemi mësuar ta shohim me sqetulla të padepiluara.
