Sot në Tiranë u parandalua vjedhja e një banke në zonën e Unazës së Re. Policia u vu në lëvizje pas një informacioni në rrugë operative se në rrugën “Teodor Keko”, një shtetas po tentonte të vidhte filialin e një banke të nivelit të dytë. Uniformat blu arrestuan në flagrancë një 23-vjeçar, i akuzuar për veprat penale “Vjedhja e bankave dhe arkave të kursimit”, mbetur në tentativë dhe “Shkatërrimi i pronës”.
Njoftimi i policisë:
Një 23-vjeçar është arrestuar në flagrancë në Tiranë, në tentativë për grabitjen e një filiali banke në zonën e Unazës së Re.
23-vjeçari i E.I u arrestua në Rrugën “Teodor Keko”, në tentativë për të vjedhur në një filial banke, por plani i tij dështoi.
Ai akuzohet veprat penale “Vjedhja e bankave dhe arkave të kursimit”, mbetur në tentativë, dhe “Shkatërrimi i pronës”.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
Ai goditi derën e tentoi të thyente xhamin e sportelit, por pa mundur ta thyente. I riu tha se ishte me depresion në momentin kur kreu atë veprim. Ndërkaq, mësohet se ka qenë i arrestuar më parë për vjedhjen e tre banesave.
Sipas burimeve, në orët e para të mëngjesit hapi me mjete rrethanore derën kryesore të bankës e më pas goditi me gurë e tulla xhamin e filialit, por pa mundur ta thyente. Në ato momente ra sistemi i alarmit i bankës, duke bërë që policia të shkojë menjëherë në vendin e ngjarjes.
