Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Sport

Tokio 2020, “dorëzohet” xhudisti shqiptar Indrit Çullhaj!

Përfaqësuesi shqiptar në Lojërat Olimpike të Tokios, xhudisti Indrit Çullhaj u eliminua që në raundin e parë. Ndërsa garonte në kategorinë deri në 66 kg, u dorëzua pas 11 minutash në përballjen me kundërshtarin nga Kosta Rika, Sancho Chinchila. Ndeshja u luajt në 11:00 me orën lokale dhe 04:00 të mëngjesit me tonën.

Komiteti Olimpik Kombëtar Shqiptar, KOKSH njoftoi edhe për një dëmtim të sportistit, i cili po mbahet nën vëzhgimin e mjekëve.

Njoftimi i KOKSH-it:

Përfundoi me dëmtim përfaqësimi i Indrit Çullhajt në Tokyo 2020.

Xhudisti kuqezi që garonte në kategorinë deri ne 66 kg është dorëzuar pas 11 minutash në përballjen me kostarikanin Sancho.

Çullhaj e nisi me besim ndeshjen e tij, duke bërë kapje të sigurta dhe duke mos i dhënë për asnjë moment shansin kundërshtarit që të pretendonte.

Edhe pse kishte epërsi të dukshme ndaj kundërshtarit në çdo kapje, Çullhaj nuk ja ka dalë, duke e humbur takimin.

Në kapjen e fundit, sportisti Olimpist pësoi edhe një dëmtim ndërsa është dashur të shoqërohet me barelë jashtë tapetit.

Çullhaj është nën vëzhgimin e ekipit mjekësor për të zbuluar konkretisht dëmtimin!

Përfundoi garimin e saj në Lojërat Olimpike “Tokyo 2020” edhe Manuela Delilaj. Sportistja garoi në qitje 10 metra pistoletë me ajër ku mori pjesë në baterinë e parë. Me 565 pikë në total u pozicionua e 37-ta mes 53 pjesëmarrëseve në këtë disiplinë.