Një sasi lëndë plasëse ka shpërthyer rreth mesnatës në Sarandë në lagjen nr.4. lënda plasëse është vendosur në garazhin e një hoteli në pronësi të M.M, ish-Drejtor i ALUIZNI-t Sarandë dhe aktualisht Drejtor i FSDKSH (Fondi i Sigurimit të Detyrueshëm të Kujdesit Shëndetësor) në Sarandë.
Kjo është hera e dytë që hotelit i është vendosur tritol. Nuk dihen ende autorët, ndërsa policia po punon identifikimin dhe kapjen e tyre.
Në momentin e shpërthimit para hotelit ishte ankoruar një superjaht milionerësh që vijnë në Sarandë për furnizim me naftë, pas shpërthimit jahti është larguar nga porti.
Njoftimi i policisë:
Më datë 29.06.2022, rreth orës 22:40, në lagjen nr.4, Sarandë, në hyrjen e një garazhi, në pronësi të shtetasit M. M, ka shpërthyer një sasi e vogël lëndë plasëse. Si pasojë janë shkaktuar dëme të vogla materiale. Menjëherë në vendngjarje kanë shkuar forcat e Policisë dhe grupi hetimor, për të kryer veprimet për sqarimin e rrethanave të ngjarjes, identifikimin dhe kapjen e autorit.’- njofton policia.
