Momentalisht ai është spektakli më i ndjekur në Shqipëri, ku banorët kanë transmetuar shumë emocione të forta teksa rrëfejnë historitë e tyre apo edhe gjatë përditshmërisë, konflikteve dhe raporteve me njëri-tjetrin. Big Brother Albania Vip është një show televiziv që zhvillohet tërësisht brenda kufijve të një shtëpie, krijuar posaçërisht për personat e famshëm që bëhen pjesë të këtij programi, duke u cilësuar me titullin banorë.
Në thelb është një garë midis tyre, qëllimi i së cilës është të jetë një fitues. Të paktën një banor eleminohet çdo javë me anë të një procesi votimi, ku vendimin e merr publiku ose në rastet kur prish rregullat e lojës. Që nga data e nisjes dhe deri më tani polemikat që krijohen nga banorët e “BBV” kanë transmetuar emocione të forta, ku secili banor me historitë dhe personalitetin e tij, është kthyer në protagonist të përditshmërisë sonë, duke na tërhequr edhe me raportet që krijojnë me njëri-tjetrin, por edhe me konfliktet që mbizotërojnë brenda në shtëpi.
Duket se kur bëhet fjalë për lojë dhe strategji, Luizi është emri i parë që na vjen në mendje, me një protagonizëm të theksuar deri tani. Ndërkohë ditën e sotme, ai ka analizuar lojën e Amosit brenda shtëpisë së BBV.
Amosi ka këtë natyrën që flet pak dhe thotë prit se e di unë. Amosi mendon që i njeh të gjithë, nuk guxon askush të merret me mua, jam shumë i fortë. Po Amosi përfshihet direkt në një situatë, batutë, ngacmim. Duhet t’i largojmë Dean.
