Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

Britney Spears feston sot ditëlindjen dhe padyshim që urimin dhe surprizën më të bukur e mori nga i fejuari i saj!

Ylli i muzikës pop Britney Spears feston sot 40-vjetorin e lindjes dhe i fejuari i saj, Sam Asghari e surprizoi në mënyrën më të bukur. Ai ndau në rrjetin e tij social Instagram momente nga shfaqja me fishekzjarre që organizoi për të surprizuar partneren e tij. Super ylli i popit dhe 27-vjeçari u shfaqën duke u puthur teksa ndodheshin në një avion privat. Britney dukej më e lumtur se kurrë në videot e publikuar nga Sam në Instagram, teksa i dhuroi edhe një tortë në formë B për të festuar ditëlindjen e saj.

Ndërkaq, në disa foto të publikuara krah gjysmës së tij, Sam ka shkruar këto fjalë:

Të quaj luaneshë sepse e admiroj forcën tënde të pamëshirshme, jam i frymëzuar nga zemra jote e bukur, festoj buzëqeshjen tënde që më ndriçon botën. Çdo ditë është ditëlindja jote mbretëresha ime. Gëzuar ditëlindjen e parë për gruan time.

Ndërkaq, vlen të theksojmë se Spears po mendon të ketë një fëmijë tjetër vetëm disa ditë pasi gjykata dha vendimin përfundimtar mbi kujdestarinë e saj. Këngëtarja 39-vjeçare, e cila ka dy djem Jayden James 15-vjeç dhe Sean Preston 16-vjeç me ish-bashkëshortin e saj Kevin Federline, para pak ditësh postoi një fotografi në profilin e saj në Instagram, të një vajze të vogël që qëndronte në majë të gishtave pranë nënës së saj, e cila shkruan:

Po mendoj te kem një fëmijë tjetër! Pyes veten nëse kjo është një vajzë… ajo po qëndron në majë të gishtave të saj duke kërkuar diçka… kjo është e sigurt.

Tani duket se Britney Spears ka ndezur sërish thashethemet për një shtatzëni të mundshme teksa diskutoi haptazi dëshirën e saj për t’u bërë sërish nënë.