Dakota Johnson është mirënjohëse për edukimin e saj ‘të çmendur’. Aktorja 32-vjeçare ndërronte shpesh shkollat si adoleshente dhe kishte shumë njerëz për t’u kujdesur për të për shkak të angazhimeve të aktrimit të nënës së saj Melanie Griffith dhe babait Don Johnson. Megjithatë në një intervistë të re me “The Hollywood Reporter” ajo zbuloi se pavarësisht trazirave ajo nuk do t’i kishte pasur gjërat ndryshe.
Ndoshta ishte destabilizuese, por unë kurrë nuk e shikoja në atë mënyrë. Unë u rrita nga shumë njerëz, nëna ime dhe babai im dhe më pas njerkët dhe dadot, miqtë dhe mësuesit. Doja të mësoja nga të gjithë. Dhe ende jam e tillë.
Jam mirënjohëse ndaj prindërve të mi dhe jetës sime të çmendur, sepse e vetmja arsye që jam kështu siç jam është për shkak të mënyrës se si jam rritur. Kjo erdhi me shikimin e disa gjërave të çuditshme si fëmijë, duke u përballur me përmbajtjen e të rriturve në një moshë të re dhe gjithashtu duke pasur një jetë publike ndonjëherë.
Por pastaj edhe në anën më të lehtë të kësaj, gjërat që ishin vërtet të bukura, të privilegjuara dhe edukative, si dhe udhëtimet, arti dhe artistët. Ishin të dyja, kishte errësirë dhe dritë…
Kujtojmë, se aktorja dhe modelja e njohur amerikane Dakota Johnson, dukej sensacionale teksa ishte e shoqëruar me aktorin Paul Mescal pas premierës së filmit të tyre në “New York Film Festival” një muaj më parë.
