Kejvina Kthella është një ndër modelet më seksi në vendin tonë edhe pse së fundmi nuk ka qenë më aktive me intervista apo televizion. Megjithatë, në Instagrami-n e saj, Kejvina poston vazhdimisht fotografi shumë sensuale dhe provokuese.
Për një bukuroshe si Kejvina, kurioziteti nëse është apo jo në një lidhje është i madh. Shpeshherë është dyshuar dhe është përfolur për këtë pjesë, por dyshimet morën fund kur vetë modelja e publikoi atë në Instagram duke i mbuluar sigurisht portretin.
Mirëpo, së fundmi ajo jo vetëm ka fshirë postimin me të, por burime për Prive kanë treguar se i ka dhënë fund lidhjes dhe udhëtimi i fundit me mikeshat e saj në Dubai ishte një nga udhëtimet e saj pas ndarjes.
Pak javë më parë, ajo ka publikuar një video ku teksa tregon dorën e saj që në gishtin e martesës mban një unazë floriri, krahas ka shkruar: “E martuar” shoqëruar me një emoji që simbolizon të qeshurën. Ky postim nga ana e Kejvinës fillimisht shkaktoi mjaft zhurmë, por duket se paska qenë thjesht një shaka nga ana e bukuroshes.
Kejvina njihet për tipin e saj pa komplekse dhe teksa shumë personazhe të njohura nuk pranojnë të kenë bërë ndërhyrje, Kejvina e ka pranuar vetë me anë të një video në Instastory se ka bërë buzët.
