Programi traditë i ditës së fundit të vitit rikthehet edhe këtë herë dhe ndoshta ky është një nga momentet më të shumëpritura për të gjithë ju. E si mund të mbyllet ndryshe ky vit, përveç se nën tingujt e muzikës më të mirë të 2023. Surprizat nga artistët nuk mungojnë as në 2023, si në skenën kombëtare ashtu edhe në atë ndërkombëtare ndaj maratona e 100 këngëve më të mira të vitit do të jetë shpërthyese.
Le të kalojmë së bashku rreth 8 orë maratonë, në shoqërinë e atyre që ju kanë bërë shoqëri gjithë vitin. Shoqëroni orët e fundit të një viti ‘të vjetër’ i cili i lë vendin një tjetri të cilin le të shpresojmë të jetë edhe më i mirë se ky që po lëmë pas. Në një lidhje telefonike ishte moderatorja e njohur Bieta Sulo.
Si do e gjejë sonte Bietën darka e 31 dhjetorit?
Do të jem me familjen time dhe të Albanit kështu që çfarë ma ka zënë syri shpresoj të ma ketë qarë dora.(qesh) Albani po merret me marinimin e pulave, i kemi shpërndarë punët në të gjithë familjen. Të gjithë do të sjellin nga një gjë që kanë gatuar në shtëpinë e tyre.
Çfarë adhuron më së shumti Albani tek Bieta?
Ai më thotë që ta dua mendjen. E ke si femër që do të thotë sa më pjellore, pra në këtë aspekt.
Si ka qenë ky vit për moderatoren?
Nuk ka një aspekt që do e veçoja, ka qenë në çdo aspekt në rritje nga çdo pikëpamje. Ka pasur shumë udhëtime. Një vit shumë i mirë por jo më ndonjë kulmim. Unë kënaqem edhe me kaq.
A ka qëllim Bieta të bëhet nënë për herë të dytë në vitin 2024?
Kroi do një vëlla se motrën e ka. Një vajzë do të kisha dëshira, të provoja ndjesinë e një nënë vajze por Kroi do një vëlla. Kam pasur prioritet emisionin dhe nuk kam menduar shumë për zgjerimin e familjes.
