Një i ri në Zvicër ka vendosur të ndryshojë zyrtarisht seksin për të shmangur shërbimin ushtarak. Një vit më parë, 23-vjeçari Max zgjodhi të bëhej vajzë, por vetëm në letër. Për ta bërë këtë, ai ka përfituar nga një thjeshtim i procedurës që do të ndiqet për ndryshimin e seksit në gjendjen civile, i prezantuar në vitin 2022. Kështu, shmangu uniformën e ushtrisë, për t’iu përkushtuar plotësisht universitetit, ku do të fillojë studimet në vjeshtë.
Gazeta zvicerane-gjermane “Sonntags Zeitung” tregoi historinë e Maksit, i cili nuk ndihet grua, përkundrazi. Ai ka mbajtur emrin e tij mashkullor, por seksin e ndryshoi në gjendjen civile vetëm për 75 franga. Ndërkohë, nëse do të refuzonte shërbimin ushtarak, do të paguante mijëra franga si gjobë. 23-vjeçari ka mbetur i habitur se sa e lehtë është të ndryshosh zyrtarisht gjininë:
Një zyrtar më lejoi të hyja në dhomën e mbledhjeve. Dy minuta më vonë, isha grua. Shkrova në një formular se cili do të ishte emri im i ri dhe zgjodha të mbaj emrin që kisha.
Po me kartën e identitetit?
Asnjë problem: ai e kishte rinovuar para ndryshimit të seksit dhe nuk ka kërkuar të bëjë të re.
