Jennifer Lopez, ishte e veshur me një bluzë të zezë gjatë një nate romantike me Ben Affleck në Beverly Hills të dielën. 52-vjeçarja e lindur në Bronx kishte veshur një xhaketë sportive të zezë, një fund të kuq me kuadrate dhe çizme të zeza.
Jennifer gjithashtu kishte një çantë pazari të bardhë nga Dior dhe ajo mori një çantë të kuqe Hermès. 49-vjeçari i lindur në Berkeley, i rritur në Kembrixh, kishte veshur pantallona të zeza prej kadifeje me një këmishë mëndafshi dhe pallto.
Lopez dhe Affleck, të cilët u takuan fillimisht midis 2002-2004, filluan t’i dërgojnë mesazhe njëri-tjetrit përsëri në shkurt dhe e bënë publike lidhjen e tyre në fund të prillit. Çifti, i njohur si ‘Bennifer’, thuhet se darkoi me disa miq në restorant. Këngëtarja është nënë e binjakëve Emme dhe Max, që ka nga martesa e saj e tretë me Marc Anthony, e cila përfundoi në vitin 2011 pas shtatë vitesh.
Ben ka tre fëmijë Violet, Seraphina dhe Samuel, nga martesa e tij 10-vjeçare me Jennifer Garner, e cila përfundoi në vitin 2018. Këtë të mërkurë, Lopez do të lëshojë këngën “Marry Me” të paraqitur në dramën romantike muzikore, e cila bazohet në romanin grafik të Bobby Crosby të vitit 2016.
