Partizani pranë kualifikimit në gjysmëfinale të Kupës së Shqipërisë.
Kampionët në fuqi të Superiores fituan me rezultat minimal ndaj Kukësit në transfertë në përballjen e parë çerekfinale, duke marrë një bonus në madh për takimin e kthimit, që do të zhvillohet në kryeqytet.
Golin e vetëm të këtij takimi e realizoi një ish, si Gjelbrim Taipi, që nuk e pati të vështirë ta shtynte topin drejt rrjetës.
Sfida nisi me probleme për të kuqtë, pasi Xhuliano Skuka u largua nga fusha e lojës me barelë që në minutën e 19-të.
Partizani, gjithsesi, e gjeti rrugën e rrjetës në minutën e 43-të, teksa Tedi Cara dhuroi një asist të pastër për Gjelbrim Tapin, me këtë të fundit që e kishte të lehtë me portën e boshatisur.
Në “Niko Dovana”, Teuta dhe Tirana barazuan 0-0 në ndeshjen e parë çerekfinale dhe kalimin për më tej do e mësojnë në përballjen e kthimit në kryeqytet, më 5 mars. Trajneri i ri i bardhebluve, Erbim Fagu debutoi kështu me barazim, teksa 36-vjeçari u zyrtarizua paraditen e kësaj të marte në stolin e 26-herë kampionëve të vendit.
Nesër në 13:30 luhen dy ndeshjet e radhës në Kupë. Vllaznia përballet me Erzenin në Rrogozhinë, ndërsa Laçi pret Egnatian.
Kupa e Shqipërisë, faza çerekfinale:
Ndeshjet e para
E martë:
13:30 Kukësi 0-1 Partizani
17:00 Teuta 0-0 Tirana
E mërkurë, 13:30
Erzeni – Vllaznia
Laçi – Egnatia