Madonna është një nga artistet më të pëlqyera, por edhe më të komentuara gjithashtu. Jo vetëm me anë të talentit të saj, por është dhe guximi që ka shfaqur në foto apo look, gjë që e ka vëçuar dhe e ka mbajtur gjatë gjithë kohës në qendër të vëmendjes.
Ndërkohë, në kopertinën e revistës V Magazine, këngëtarja 63-vjeçare dukej sa gjysma e moshës së saj në një xhirim të shpejtë nga Steven Klein.
Fotografi tha se ishte frymëzuar nga seria e Bert Stern, “The Last Sitting”, e cila besohet të jetë fotosesioni i fundit për të cilin u ul Marilyn Monroe, gjashtë javë para vdekjes së saj më 4 gusht 1962.
Megjithatë, Mbretëresha e Pop-it gjithashtu u duk se rikrijoi shtratin e Marilyn Monroe, pasi ajo u pa e shtrirë në një dyshek me një komodinë të mbushur me pilula me recetë. Monroe u gjet e pajetë në shtëpinë e saj në Brentwood, Kaliforni në vitin 1962 dhe thuhet se një natë më parë kishte pirë dozë me ilaçe qetësuese. Në xhirimin e Klein, ai rikrijoi foton me Madonna pa këmishë dhe pantallona ndërsa ajo qëndronte e shtrirë.
Madonna, e cila po promovon dokumentarin e saj të ri Madame X, tregoi gjithashtu trupin e saj të formësuar mjaft mirë, ndërsa ishte e rrethuar nga truproja meshkuj. Disa nga pikat kryesore të intervistës së saj përfshinin bisedën për albumin “Donda” të Kanye West, për të cilin ajo tha se është ‘e vetmja gjë’ që e ka frymëzuar atë në muzikën e fundit.