Princi William dhe Kate Middleton u panë jashtë suitës së pasur në Windsor të Heathrow, përpara se të niseshin për një pushim me fëmijët e tyre. Asnjë shërbim luksi nuk mungonte pasi vizitorët marrin trajtim VIP në suitën e cila është e kompletuar me pothuajse 100 persona staf që kujdesen për të gjithë, raportojnë mediat e huaja.
William dhe Kate kanë bërë gati valixhet për një largim pas një viti të vështirë për familjen mbretërore që ka përfshirë edhe frikën për shëndetin e Mbretëreshës. Suita në Windsor vjen me një çmim prej 3,300 paundësh dhe përfshin 96 persona staf që kujdesen për ta. Këtu është një listë e plotë e asaj që ofron suita ekskluzive.
Shërbim shoferi
Nuk dihet nëse Kate dhe William përdorin shërbimin e makinës, me statusin e tyre dhe ekipin e fuqishëm të sigurisë, por të paktën u ofrohet kjo mundësi.
Portierë të përkushtuar
Një portier me kapele do t’ju përshëndesë pas mbërritjes dhe do t’ju dërgojë bagazhin tuaj për t’u kontrolluar dhe vendosur në mënyrë të sigurt në aeroplan.
Sallë pritjeje luksoze
William dhe Kate do të ndihen si në shtëpi në një sallë pritjeje luksoze, me një portret të Madhërisë së Saj në mur. Dhomat me stil përmbajnë vepra arti të kuruara nga Tanya Baxter Contemporary. Për më tepër, ka një divan të lezetshëm, karrige luksoze dhe një tavolinë ngrënieje zyrtare, një televizor të madh të bukur dhe tualetin tuaj sigurisht!
Ju do të keni dikë që ju shërben
Kur themi se nuk do t’ju duhet të ngrini një gisht, ne e kemi me të vërtetë. Një skuadër prej 96 punonjësish janë në dispozicionin tuaj, së bashku me kujdestarin tuaj privat. Ata do të kujdesen për gjithçka, duke përfshirë shërbimin e ushqimit dhe pijeve tuaja.
