Teuta Matoshi është një stiliste nga Kosova që krijon fustane me qëndisje dhe zbukurime të bëra me dorë. Ju mund ta njihni menjëherë punën e Teutës në Instagram nga mënyra e saj e kombinimit të ngjyrave të pazakonta dhe shtimi i dantellave, tylit, rruazave dhe qëndisje në veshjet me dorë.
Së fundmi, aktorja e famshme Blake Lively është personazhi i radhës VIP që ka zgjedhur stilisten shqiptare për fustanin e ditëlindjes së saj. Blake feston 34-vjetorin ditën e nesërme dhe mesa duket i ka nisur festimet herët. Ajo ka zbuluar edhe veshjen e saj dhe në këtë mënyrë ka promovuar edhe artisten shqiptare. Artistja ka publikuar një video në Instastory me një fustan ngjyrë mente, me qershi të kuqe, i cili mban firmën e stilistes shqiptare Teuta Matoshi.
Ajo ka zgjedhur ta kombinojë fustanin me një palë këpucë Louboutin të kuqe të sheshta, duke i dhënë një pamje ndryshe. Padyshim që këtë e ka postuar edhe vetë stilistja në rrjetin e saj social, Instagram.
Për të gjithë ata që nuk e njohin, Teuta ka lindur në Prishtinë. Familja e saj ishte e varfër dhe ajo ishte një nga 9 fëmijët e familjes. Duke qenë një fëmijë i vogël, ajo mësoi se si të bënte rroba për vete, vëllezërit dhe motrat e saj duke përdorur rroba të vjetra.
Ajo vazhdoi të vishte rrobat e saj të bëra me dorë gjatë shkollës së mesme dhe papritmas filloi të merrte shumë komplimente. Teuta pastaj filloi një udhëtim në ëndrrën e saj përfundimtare: Të niste me butikun e saj që do të shiste rrobat e bëra nga vetë ajo.
Pas shkollës, Teuta u takua me personin që e frymëzoi të shkonte përpara. Ky ishte mentori i saj, një profesor nga Parisi, i cili i hapi derën në botën mahnitëse të dizajnit. Nën mbikëqyrjen e tij, ajo filloi të zhvillonte linjën e saj dhe mësoi se si të vishej dhe të stilonte në mënyrën e saj dhe tani mund të shihet në secilën prej veshjeve të saj.
Ndërkaq, sa i përket aktores Lively, së fundmi ajo ka mbështetur bashkëshortin e saj, Ryan Reynolds, në filmin e tij më të ri, “Free Guy”, duke postuar foto me të pasmet e saj.
