Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Film & Tv

Publikohet sezoni i fundit i “La Casa de Papel”, kompania e shpall ditë pushimi që punëtorët ta shikojnë me qetësi!

Është fundi i një ndër serialeve më të bukura ndonjëherë. Shfaqja televizive spanjolle “Money Heist” aka “La Casa de Papel”, publikoi sot sezonin e saj të pestë dhe të fundit  në platformën e Netflix.

Ky është volumi i parë që përmban 5 seri dhe vëllimi 2 me 5 të tjera publikohet më 3 dhjetor 2021.

Ndërsa shfaqja ka fituar popullaritet të jashtëzakonshëm në të gjithë botën, përfshirë Indinë, një firmë me qendër në Jaipur e quajtur “Verve Logic” ka shpallur një pushim për punonjësit e saj më 3 shtator, duke e shpallur atë si “Netflix dhe Chill Holiday”.

CEO i kompanisë, Abhishek Jain gjithashtu falënderoi punonjësit e tij për punën e palodhur që ata bënë gjatë pandemisë COVID-19. Në mesazhin e tij drejtuar punonjësve të tij në mediat sociale, CEO i Verve Logic tha se “është në rregull të bësh një pushim herë pas here”.

“Merrni kokoshkat dhe përgatituni t’i jepni një lamtumirë fundit profesorit tonë më të dashur dhe gjithë kastit. Me këtë, “Verve Logic” do të donte të falënderonte të gjithë anëtarët e saj që kanë treguar një shpirt të mahnitshëm gjatë punës nga shtëpia dhe na kanë ndihmuar të dalim bukur nga kohët e vështira”.

Pronari  përfundoi e-mailin e tij duke thënë: “Bella Ciao, Bella Ciao.”.