Në një përpjekje për ta bërë këtë Botëror të parin që është “plotësisht neutral ndaj karbonit”, Katari ka premtuar të kompensojë emetimet e tij të karbonit, por shumë nuk janë të bindur. Një analizë zbuloi se turneu mund të përfundojë me një gjurmë karboni tre herë më të lartë se sa pretendohet. Një tjetër zbuloi se gjurmët e karbonit që i atribuoheshin stadiumeve të reja ishin në realitet rreth tetë herë më të larta dhe kritikoi ashpër një standard të ri të kredisë së karbonit të vendosur nga organizatorët për mospërputhje me standardet ndërkombëtare.
Një sërë ankesash për reklama tani janë depozituar në disa vende europiane lidhur me promovimin e pretendimeve të saj për neutralitetin e karbonit nga FIFA, ndërsa disa futbollistë i kanë dërguar një letër të hapur FIFA-s duke i kërkuar që të heqë pretendimin dhe të përdorë kompensimet vetëm si mjetin e fundit. Shkalla e sfidës është padyshim e madhe.
Disa mund të pyesin nëse Kupa e Botës siç e njohim ne tani, me ekipe, tifozë dhe zyrtarë që fluturojnë në distanca të gjata dhe zhvillim masiv të infrastrukturës, mund të bëhet ndonjëherë i qëndrueshëm. A do të duhej të ndryshonte modeli bazë i ngjarjes për t’u bërë më ekologjik dhe nëse po, si mund të duket? Kjo do të arrihej vetëm nëpërmjet këtyre faktorëve:
1-Krijimi i ndërtesave të reja duke mos i krijuar me strukturat konvencionale me bazë betoni.
2-Një mënyrë tjetër për të reduktuar gjurmën e madhe të ndërtimit të shumë stadiumeve të reja do të ishte shmangia e ndërtimit të tyre në radhë të parë.
3-Zvogëlimi i vendeve të stadiumit në mënyrë që të mos mbushet me shumë tifozë.
4-Përdorimi i karburanteve alternative të rinovueshme (ose edhe avionëve elektrikë në distanca të shkurtra), duke hapur më shumë mundësi për udhëtime me karbon të ulët.
