Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

Travis Braker zgjedh që t’ia urojë ditëlindjen vjehrrës së tij në këtë mënyrë!

Të gjithë anëtarët e familjes më të njohur Kardashian dhe Jenner kanë qenë shumë të lumtur për faktin se ylli Kris Jenner ka festuar ditëlindjen e saj. Urimet për të kanë qenë të pafundme, por ai i cili dalloi ishte urimi i të fejuarit të vajzës së saj Kourtney Kardashian, Travis Barker.

Reperi i njohur zgiodhi që ta uronte vjehrrën e tij në rrjetin e tij social Instagram. Ai kishte postuar një foto ku kishin dalë së bashku. Në InstaStory ai kishte shkruar:

Gëzuar ditëlindjen @krisjenner. Të dua.

Uploaded image

Kris Jenner, ylli i “Keeping Up with the Kardashians” festoi ditëlindjen e saj të 66-të këtë të premte. Kujtojmë se muajin e kaluar ajo ishte e ftuar në një nga emisionet më të pëlqyer dhe më të njohur, “The Ellen DeGeneres Show” nga ku edhe dha disa detaje shumë të bukura për marrëdhënien e vajzës së saj Kourtney dhe muzikantit Travis. Jenner i tha prezantueses Ellen se:

Kourtney dhe Travis janë krijuar me të vërtetë për njëri-tjetrin. Ata janë çifti më i lezetshëm. Janë kaq të dashuruar dhe na bëjnë të ditur vazhdimisht se sa shumë duhen.

Ajo gjithashtu tregoi se përpara propozimit, Barker i erdhi i pari për t’i kërkuar dorën për martesë Kardashian. Kris tregoi se ai është shumë i dashur dhe se të dy së bashku mezi po presin për hapin e radhës. Kourtney Kardashian ka zyrtarizuar lidhjen e saj me muzikantin Travis Barker. Bukuroshja do të ecë përgjatë altarit për herë të parë në jetën e saj dhe ajo do ta bëjë këtë me askënd tjetër përveç Travis Barker… i cili para pak javësh i bëri asaj propozimin e madh për martesë. Bateristi i Blink-182 i propozoi Kourtney-t në një hotel pranë plazhit në Montecito, Kaliforni, ku ai i kërkoi të ishte gruaja e tij. Sigurisht, ajo tha po.

Kardashian konfirmoi lajmin emocionues në llogarinë e saj në Instagram duke ndarë fotografi nga propozimi romantik. Në mbishkrimin e fotografive, ajo shkruan:

Përgjithmonë Travis Barker!