Pas tragjedisë së ndodhur në koncertin e Travis Scott “Astroworld Festival”, ku mbetën të vdekur 8 persona dhe 13 të plagosur, mësohet se Scott dhe Drake janë paditur për ngjarjen që ndodhi. Mediat e huaja kanë konfirmuar se avokati i Teksasit, Thomas J.Henry ngriti një padi të dielën kundër Scott, emri i vërtetë i të cilit është Jacques Bermon Webster, si dhe Drake, emri i vërtetë i të cilit është Aubrey Drake Graham.
Sipas një raporti nga “Daily Mail”, padia është ngritur në emër të pjesëmarrësit të koncertit Kristian Paredes, 23-vjeç, nga Austin, Teksas. Paredes thuhet se ka paraqitur ankesën duke kërkuar më shumë se një milion dollarë dëmshpërblim pasi dy reperët dyshohet se “nxitën turmën” ku ai u plagos.
Në një deklaratë për shtyp duke njoftuar padinë, Henry vuri në dukje se Drake dhe Scott vazhduan të performonin edhe kur automjetet u përpoqën të depërtonin nëpër turmë për të ndihmuar ata që ishin plagosur dhe të tjerët kërkuan që shfaqja të ndalohej.
Pas kësaj, ka ardhur edhe reagimi i Drake i cili nëpërmjet një postimi në rrjetin e tij social Instagram ka shprehur se:
Kam kaluar ditët e fundit duke menduar për këtë tragjedi. Unë e urrej të shpreh emocione si trishtimi në rrjete sociale, por e gjeta veten këtu. Zemra ime është thyer për shkak të atyre që kanë humbur jetën dhe të gjithë atyre që po vuajnë. Unë do të lutem për të gjithë ata dhe do të ndihmoj me aq sa mundem. Zoti qoftë me ju të gjithë.
https://www.instagram.com/p/CWC5msvNgXs/
Ju rikujtojmë se së fundmi Drake dhe Chris Brown janë përfshirë në një padi të paraqitur nga këngëtari Brandon Cooper dhe producenti Timothy ‘Drum’n Skillz’ Valentine, të cilët thanë se asnjë udhëzim nuk e hoqi materialin nga bashkëpunimi i tyre i mëparshëm ‘I Love Your Dress’, sipas dokumenteve të gjykatës të shqyrtuara nga TMZ.
