Vlora renditet si një prej 10 destinacioneve më të lakmuara turistike në platformën globale të rezervimeve Booking për vitin 2024. Lajmin e dha kryeministri Edi Rama, duke vënë në dukje se Vlora ka rrëmbyer vëmendjen e shumë mediave ndërkombëtare, për të paralajmëruar flukse të shtuara vizitorësh drejt saj këtë sezon. Në një postim në rrjetet sociale shkruan:
Vlora e Rilindur është një prej 10 destinacioneve më të lakmuara turistike në platformën globale të rezervimeve Booking për vitin 2024, duke rrëmbyer vëmendjen e shumë medieve ndërkombëtare për të paralajmëruar flukse të shtuara vizitorësh drejt saj këtë sezon.
Vitin e kaluar, vendi numëroi mbi 10.1 milion vizitorë duke e kthyer 2023-shin në vitin e turizmit. Më 2023-shin, Shqipëria pati një “shpërthim” turistik, me turistë të huaj nga e gjithë bota që kanë zgjedhur të pushojnë në vendin tonë.
Në një postim të datës 26 dhjetor, Rama ndau shifrat, teksa shkruante se kjo është një arritje fantastike, e paimagjinueshme më parë.
LAJM I BUKUR! Bashkë me Krishtlindjen kaloi edhe numri 10.000.000 i turistëve të huaj në Shqipëri; një arritje fantastike e paimagjinueshme deri pak vite më parë! GËZUAR! 10 011 500 turistë të huaj kanë hyrë në vendin tonë deri mbrëmë.
