Aktori i njohur Brad Pitt si rrallëherë ka bërë një paraqitje më ndryshe se herët e tjera. Ai kishte zgjedhur që të vishej në një mënyrë shumë formale por ajo çfarë arriti që të merrte vëmendjen e të gjithëve ishte modeli i mustaqeve. Të gjithë janë mësuar që ta shikojnë Brad me një paraqitje shumë të thjeshtë por askujt nuk i kishte shkuar mendja se atij mund t’i shkonin mustaqet.
Ky look i tij ka ardhur edhe për shkak se aktori i njohur është duke u marrë me xhirimet e një filmi. Aktori po punon në projektin e ardhshëm nga regjisori i ‘La La Land’ Damian Chazelle. Pitt, i cili fitoi një Oscar duke luajtur si Cliff Booth në filmin e vitit 2019 ‘Once Upon a Time’. Sipas raportimeve, projekti është përshkruar si ‘The Great Gatsby’, pasi shqyrton kalimin e Hollywood-it nga filmat e heshtur në folës përmes lenteve të një sërë personazhesh.
Emra të tjerë të shquar në film përfshijnë Samara Weaving, Olivia Wilde, Jean Smart, Tobey Maguire, Max Minghella, Katherine Waterston, Lukas Haas, Chloe Fineman, Jeff Garlin, Diego Calva dhe Spike Jonze. Filmi është duke u prodhuar nga Olivia Hamilton, Matt Plouffe dhe Marc Platt, dhe ekzekutiv i prodhuar nga Tobey Maguire, Helen Estabrook dhe Adam Siegel.
Paramount po planifikon të nxjerrë filmin në kinema të kufizuara ditën e Krishtlindjeve në vitin 2022, me një hapje mbarëkombëtare më 6 janar të 2023.
Kujtojmë gjithashtu se Brad Pitt dhe ish-bashkëshortja e tij Angelina Jolie ranë dakord për një vendim të kohëve të fundit për të hequr një urdhër ndalimi të përkohshëm mbi pasuritë e tyre, i cili u vendos gjatë procedurave të divorcit. Sipas ET, kjo i lejon ish-çiftit të shesë pronat që kanë pasur në pronësi gjatë periudhës së martesës së tyre, gjë që me sa duket Jolie mund të shesë 50% të pronës luksoze që ata zotërojnë në Francë. Por, në fillim të kësaj jave Brad ngriti një padi duke e akuzuar Jolie për një plan ‘hakmarrës’ për të shitur aksionet e saj dhe për të përfituar nga puna e jashtëzakonshme, koha dhe paratë e investuara nga aktori dhe biznesi i tij, sipas dokumenteve ligjore ekskluzive të marra nga “DailyMail”.
