Pak javë më parë një nga banoret më të përfolura të këtij edicioni, Fifi zgjodhi të largohet nga shtëpia e “Big Brother VIP”. Mirëpo, padyshim që kjo eksperiencë e saj la gjurmë. Gjatë qëndrimit të saj në shtëpi, këngëtarja u komentua mjaft për sjelljen e saj, që u cilësua edhe si pak dinamike, por nuk mund ta linte pas shpirtin e saj të artistes dhe kompozoi një këngë të re brenda shtëpisë.
Pas daljes nga “BBV’, Fifi udhëtoi drejt Turqisë me dy miqtë e saj më të mirë, njëkohësisht edhe çiftin e njohur të showbiz-it Argjira Spancën dhe Graciano Taganin. Pas kthimit të saj këtu, këngëtarja ka vendosur të bëjë një ndryshim drastik në ‘look-un’ e saj.
Ajo ka ndryshuar totalisht ngjyrën e flokëve duke e kthyer në kafe dhe duke i dhënë më shumë volum. Padyshim mund të themi se duket shumë bukur me këtë ndryshim.
Suksesi i këngës që Fifi kompozoi brenda shtëpisë së “BBV”, para pak ditësh padiskutim arriti një tjetër nivel, pasi kryeministri në një video të publikuar në llogarinë e tij, teksa shfaqte pamje nga Valbona përrallore e mbuluar me borë, në sfond kishte vendosur “Diell”.
Prej ditësh, kjo këngë ka rrëmbyer zemrat e shqiptarëve, të cilët e dëgjojnë dhe këndojnë kudo!
