Julia Roberts është një artiste me kuptimin e plotë të fjalës. Një aktore shumë e talentuar dhe një grua e fortë që e ka shfaqur këtë herë pas here. Një femër e dashuruar dhe një nënë shumë e përkushtuar, duket se Julia ndër të tjera, është edhe një grua shumë e bukur.
Julia Roberts shkëlqente në Festivalin e 75-të të Filmit në Kanë këtë javë. Ylli i “Pretty Woman” emërtoi gjithashtu të gjithë anëtarët e skuadrës së saj, duke u dhënë atyre meritën për pamjen e saj pasi kishte veshur një kostum të zi shoqëruar me një diamant të madh të verdhë Chopard. Ekipi i saj përfshin stilisten e veshjeve Elizabeth Stewart, stilistin e flokëve Serge Normant, grimieren Genevieve Herr.
Ajo gjithashtu vlerësoi stilistin e Louis Vuitton, Youssef Marquis dhe dyqanin e Venice Beach Highbrow Hippie. Ajo etiketoi publicistin Marci Engelman si dhe trajnerin Andrea Orbeck. Julia dukej e mrekullueshme me një ‘jumpsuit’ të zi të Louis Vuitton dhe bizhuteritë e saj Chopard, teksa buzëqeshi para kamerave.
Veshja, të cilën ajo e bashkoi me taka të zeza mbresëlënëse, dukej thjesht perfekte në tapetin e kuq. Ylli i filmit dukej në humor të mirë, duke treguar pamjen e saj rinore me një grim minimal. Ajo veshi Chopard sepse është zëdhënëse e orëve të kompanisë. Roberts, e cila tani jeton në San Francisko pas një shpërnguljeje nga Malibu, është gjithashtu fytyra e parfumit Lancome.
