Epo edhe Lady Gaga është një prej të famshmëve që nuk mund të heshtinin dhe të mos e urojnë miken e tyre Britney Spears për fitoren e saj. 12-herë fituesja e çmimit ‘Grammy’ ka festuar fundin e kujdestarisë 13-vjeçare të Spears dhe këtë zgjodhi që ta bënte në rrjetin e saj social Instagram.
Ylli i filmit më të ri “House Of Gucci” kishte postuar një foto të saj dhe të Britney-t nga ku edhe kkishte shkurar se:
E kam dashur @britneyspears gjatë gjithë karrierës së saj. E pashë nga lart, e admirova forcën e saj, ajo fuqizoi kaq shumë njerëz dhe ende vazhdon ta bëjë. Nuk mund të isha më e lumtur për ty sot. Nuk e meritove kurrë atë që ndodhi, faleminderit Zot për sot, je një superstar dhe një qenie super-humane. Të dua.
35-vjeçarja Lady Gaga i bashkohet grupit të madh të cilët i uruan fitoren ligjore këngëtares së njohur të hitit “Stronger”, ku përfshiheshin edhe Cher, Paris Hilton, Cyndi Lauper, Jameela Jamil, Dionne Warwick, Andy Cohen dhe shumë e shumë të tjerë.
Një gjykatës në Los Angeles i dha fund kujdestarisë të krijuar nga babai i këngëtares 39-vjeçare në vitin 2008, duke hyrë në fuqi menjëherë. Në dosjet e mëparshme gjyqësore, avokatët që përfaqësonin këngëtaren, shpreheshin se:
Jeta e saj ishte në rrëmujë dhe ajo ishte në shqetësim fizik, emocional, mendor dhe financiar.
Kujdestaria kishte fuqi mbi financat e saj dhe vendimet e karrierës, përfshirë këtu edhe çështje të mëdha personale, të tilla si vizitat me djemtë e saj adoleshentë dhe nëse ajo mund të rimartohej. Të premten, gjyqtarja e Gjykatës së Lartë të Qarkut të Los Angeles, Brenda Penny, vendosi në favor të kërkesës së këngëtares për t’i dhënë fund, e cila nuk u kundërshtua nga asnjë nga palët e përfshira.
