Monika Lubonja ishte një nga banorët më dinamik të këtij edicioni të parë të “Big Brother Vip Albania”. Ajo dhuroi gjithçka, nga të qeshurat dhe shakatë e shumta me banorët e tjerë, e deri te emocionet e forta gjatë spektaklit. Monika tregoi se nuk ka frikë të sfidojë moshën, dhe të përballojë më së miri bashkëjetesën me të tjerë VIP-a të moshave të ndryshme.
Lidhur me të gjithë rrugëtimin e saj emocionues, Monika u shpreh ditën e sotme në “Pardon My French” ku padiskutim u vu re forca që ajo ka shfaqur edhe gjatë qëndrimit në “BBV”.
Unë gjithmonë e kam thënë që do futesha gjithnjë në debate të forta, se për debate të thjeshta nuk e shikoja veten. Debat i fortë ka qenë Semi-Fifi, momenti i historisë së Ilirit mbi temën e tradhëtisë dhe për mënyrën si ata filluan ta gjykonin Ilirin dhe unë thashë mos të fusim histori nga jashtë, mos të lëndojmë njerëzit që nuk i përkasin kësaj shtëpie dhe të bëheshim më të ndjeshëm.
Por si e kanë përjetuar familjarët e Monikës këtë eksperiencë emocionuese?! Siç është vënë re dy nga njerëzit e saj më të shtrenjtë ishin pikërisht mamaja dhe vajza, dhe ditën e sotme ajo na tregon si e pritën ato Monikën pas daljes nga shtëpia më e famshmë në Shqipëri.
Mami ishte krenare, më ka puthur shumë. Më tha: “Më janë dukur ditët e pritjes si ato ditë kur prisnim babin të dilte nga burgu”. Ndërsa, Tea më ka çuditur. Ajo është shumë kritike dhe ne jemi shumë të kundërta në natyrë. Tea është e përmbajtur, analizon veprimet e veta, ndërsa unë ia lë çastit. Për herë të parë Tea më është hedhur dhe më tha që është krenare për mua. Gjëja e parë që më tha ishte: “Mami jam krenare që jam vajza jote.”
Gjithashtu, Monika na tregoi se ajo që i mungon më së shumti nga shtëpia e “Big Brother Vip Albania” janë të qeshurat dhe lojërat, teksa u shpreh se kishte momente të tilla që ajo harronte moshën e saj.