Socialistët ecën përpara me idenë për të ngritur një komision të posaçëm me fokus luftën ndaj korrupsionit.
Kryeparlamentarja Lindita Nikolla bëri me dije gjatë seancës së sotme se grupi parlamentar i PS ka depozituar në Kuvend projektrezolutën për integrimin e vendit në BE.
“Në Kuvend është depozituar nga kryetari i grupit parlamentar të Partisë Socialiste projektrezoluta për thellimin e reformave për mirëqeverisjen, sundimin e ligjit dhe antikorrupsionin për Shqipërine 2030 në BE”– tha Nikolla.
Për të joshur opozitarët Edi Rama ka futur në lojë edhe ndërkombëtarët duke i dhënë një rol mbikqyrës në procesin e reformave. Jorida Tabaku dhe Gazment Bardhi pak para njoftimit se nisma e socialisteve eshte futur ne procedure parlamentare ndalin hapin tek ndërkombëtarët.
“Ne jemi në kontakt me ndërkombetarët për të shprehur shqetesimet që kemi por edhe vijat e kuqe persa i përket reformës në drejtësi dhe aq me e rëndësishme, SPAK dhe në kordinim me to do mbledhim informacionit dhe do vendosim cilët do jenë hapat vijues”- u shpreh Tabaku.
Amerikanët i dhanë dritës jeshile projektrezolutës së hartuar nga socialistët. Kjo bëri që Lulzim Basha të dalë të sqarojë edhe nje herë pozicionin e deputeteve që ai ka në kontroll.
Dokument serioz është propozimi për vettingun e politikanëve E propozime te tilla kerkojne bashkepunim bipartizan dhe ky bashkepunim duhet te jete transparent sic e kerkojne partneret nderkombetar dhe PD është e gatshme në çdo moment të punojë për interesin publik. Demokratët kërkojnë më shumë qartësi.