SUV-i më i shitur i Chevrolet do të shndërrohet në version elektrik vitin e ardhshëm. Presidenti i General Motors në Meksikë, Francisco Garza konfirmoi se prodhimi i Chevy Equinox EV do të fillojë në tremujorin e parë të vitit 2024. GM do të fillojë ndërtimin e Chevy Equinox elektrik në fabrikën e saj në Meksikë, Ramos Arizpe.
Ky do të jetë SUV-i i dytë elektrik, pas Blazer EV, që do të ndërtohet në objekt. Modeli i parë elektrik i Blazer doli nga linja e montimit në fabrikë në fund të qershorit dhe dërgesat e klientëve filluan në tremujorin e tretë. Ndërkaq, rikujktojmë, se të dhënat nga 10 mijë automjete elektrike që përfshijnë 18 modele tregojnë një mesatare prej rreth 30% më të ulët të efikasitetit gjatë dimrit.
Ndonëse nuk është sekret që moti i ftohtë zvogëlon efikasitetin e EV-ve, humbja e rrezes nuk është uniforme në të gjitha modelet. Gjatë sezonit të dimrit 2022-2023, startup Recurrent mblodhi mijëra të dhëna nga 10 mijë EV për të analizuar se si temperaturat e ulëta ndikuan në efikasitetin e tyre. Pas analizimit të 18 modeleve EV në të gjithë SHBA, zbuloi se efikasiteti mesatar i perceptuar në dimër ishte mesatarisht 70.3% e efikasitetit të tyre normal.
