Aktori i njohur Adam Driver dhe gruaja e tij, Joanne Tucker, kanë mirëpritur fshehurazi një vajzë këtë vit. Mësohet se aktori njoftoi ardhjen e fëmijës së dytë gjatë një prove për “Saturday Night Live”. “Vitin e kaluar kërkova një vajzë dhe e mora, gjë që është rraskapitëse”,-tha ai.
Driver dhe Tucker përpiqen të qëndrojnë jashtë syrit të publikut. Ndërkaq, Page Six raportoi në nëntor 2018 se fëmija i tyre i parë, një djalë kishte ardhur në jetë dy vjet më parë. Motra e Tucker zbuloi lajmin kur ajo bëri publike llogarinë e saj në Instagram, teksa zbuloi fotot e shtatzënisë.
Megjithëse Driver dhe Tucker ende nuk kanë diskutuar hapur për fëmijën e tyre të parë, aktorët e “Girls” u panë duke pushuar në Itali me vogëlushin në mars 2021. Sa i përket marrëdhënies së tyre, dyshja u takuan në Shkollën Juilliard në fillim të viteve 2000 dhe u martuan në një martesë të fshehtë në qershor 2013.
