Biografja mbretërore, Angela Levin, kritikoi Dukën e Sussex-it që nuk e ngriti zërin e tij për portretizimin e diskutueshëm të nënës së tij nga gjigandi i transmetimit. Kjo vjen pasi shoqja e Princeshës Diana, Jemima Khan, tërhoqi mbështetjen e saj për “The Crown” për skenarin e saj mosrespektues pasi ajo u nda me krijuesin e serialit. Levin, autor i “Harry: A Biography of a Prince”, tha për The Sun:
Harry ka mbetur absolutisht i heshtur për Netflix. Ai duhet ta prishë marrëveshjen dhe të mbajë një qëndrim për nënën e tij. Çfarë është më e rëndësishme? Paratë apo mbrojtja e nënës së tij? Është e habitshme që ai nuk mund të ngrejë zërin e tij në këtë çështje.
Princi Harry dhe Meghan Markle nënshkruan një marrëveshje me shërbimin e transmetimit Netflix, vitin e kaluar për kompaninë e tyre të re të prodhimit për të bërë dokumentarë, filma artistikë, shfaqje me skenar dhe programe për fëmijë. Kujtojmë, se një tjetër ekspert mbretëror tha sot se krijuesit e “The Crown” të Netflix e “kanë mbërthyer” familjen mbretërore duke vënë në rolin e konteshës Mountbatten, njerkën e mbështetësit të IRA-s, Roy Greenslade.
Penny Junor tha se Natascha McElhone, nuk ishte përgjegjëse për mëkatet e njerkut të saj. Por ajo tha se një aktore tjetër duhej të ishte konsideruar për shkak të natyrës së ndjeshme të rolit. Sezoni i pestë i “The Crown”, i cili do të dalë në nëntor të vitit të ardhshëm, fokusohet në marrëdhënien e Princeshës Diana me djemtë e saj dhe Princin Charles para vdekjes së saj tragjike në një aksident automobilistik në Paris në vitin 1997.