Linjat ajrore kanë anuluar mijëra fluturime të planifikuara për sot (e shtunë 29 janar) pasi një stuhi dimërore me erëra të forta dhe shumë borë parashikohet të përfshijë qytetet kryesore në Bregun Lindor të Shteteve të Bashkuara të Amerikës.
Sipas FlightAware, më shumë se 2 mijë e 800 fluturime, brenda ose jashtë Shteteve të Bashkuara janë anuluar të shtunën, dhe qendrat e Bregut Lindor janë më të prekurat.
Ndërkaq, më shumë se 1 mijë anulime u anuluan që dje kryesisht në Chicago O’Hare.
Sipas parashikimeve 75 milionë njerëz nga Juglindja në New England mund të përballen me borë të madhe dhe erëra që i afrohen intensitetit të uraganit me potencialin për të ndërprerë energjinë, përmbytje në zonat bregdetare dhe dëmtime në udhëtim.
Stuhia pritet të shkaktojë një goditje të dyfishtë reshjesh të dendura bore dhe erërash të forta në të gjithë pjesët e verilindjes, por ndikimi i saktë në të gjithë rajonin mbetet në pikëpyetje, shkruan CNN.
“Kjo stuhi ka të ngjarë të forcohet me një ritëm dhe me një intensitet, të barabartë me uraganet më të fuqishme, kështu që potenciali i nivelit të lartë të kësaj stuhie nuk mund të mbivlerësohet. Por gjithçka do të varet nga vendndodhja dhe vendshpërndarja e stuhisë” u shpreh meteorologu i CNN, Brandon Miller.
Moti në dimër dhe rritjet e rasteve me Omicron bënë që të anulohen 20 mijë fluturime në SHBA gjatë sezonit të udhëtimeve e të pushimeve. Gjithashtu rritja e nrumrit të udhëtimeve, shkurtimet e personelit gjithashtu lanë linjat ajrore me më pak punonjës sesa kishin para pandemisë.
