Që pas divorcit të Kim Kardashian dhe Kanye West, ylli i “Keeping Up With The Kardashians”, u përfol për romanca të reja. Qoftë me mikun e saj Van Jones, qoftë edhe thjesht duke u nisur nga fotot e saj provokuese dhe mediat aluduan se ajo donte t’i bënte përshtypje dikujt. Një nga personat për të cilët Kim mendohej se po krijonte një romancë në atë kohë, ishte dhe këngëtari i njohur Maluma.
Megjithatë Kim deklaroi se nuk po del me asnjë. Ajo tha se e ka takuar disa herë këngëtarin nga Kolumbia duke shtuar se është një djalë shumë i mirë. Por një reagim nga vetë Maluma mungoi. Kjo deri tani, kur këngëtari foli hapur rreth kësaj çështjeje.
Maluma ka këmbëngulur se ai dhe Kim Kardashian West janë thjesht ‘miq të mirë’. I pyetur se si filluan thashethemet, ai i tha “L’Officiel Hommes” se:
Unë as nuk e di! Ne ishim së bashku në shfaqjen e Dior. E takova për herë të parë atje. Isha gjithashtu atje me Kourtney Kardashian. Njerëzit sapo filluan të flasin për të. Unë nuk e di pse ata filluan ta pyesin atë për një romancë mes nesh. Ndoshta sepse ajo ishte në prag divorci dhe gjithçka tjetër, e dini? Por jo, ne jemi miq të mirë. Ne nuk flasim aq shpesh, por po, ne jemi miq të mirë dhe gjithmonë urojmë më të mirën për njëri -tjetrin.
Rikujtojmë se, para pak kohësh Maluma postoi në Instagram një foto, në të cilën shihej barku i rrumbullakosur i një vajze. Maluma shfaqej duke vendosur kokën mbi barkun e saj, në të cilin ishte shkruar: “#7DJ”. Menjëherë pas fotos nisën komentet nga fansat, të cilët padyshim janë ndier konfuzë. Disa e kanë uruar Maluma-n duke menduar se ai do të bëhet baba së shpejti, ndërsa të tjerë thanë se kjo është një formë që zgjedhi këngëtari për të promovuar projektin e tij të ri.
