Anorgazmia është pamundësia për të pasur një orgazëm. Mund t’u ndodhë të dy gjinive, por sipas Bibliotekës Globale të Mjekësisë është shumë më e zakonshme tek gratë. Në një studim të vitit 2004 nga Universiteti i Teksasit në lidhje me mosfunksionimin seksual tek gratë, 24 % e pjesëmarrësve raportuan mosfunksionim e orgazmës, një numër shumë i lartë.
Shkaqet e anorgazmës janë shumëfaktoriale. Ilaçet, ankthi ose kriza të tjera psikologjike, përdorimi i drogës ose alkoolit, çështjet mjekësore gjinekologjike dhe ndryshimet hormonale për shkak të plakjes mund të jenë të gjithë fajtorë. Shkuarja te gjinekologu ose një ofrues tjetër i kujdesit shëndetësor për të përjashtuar shkaqet mjekësore duhet të jetë gjëja e parë që bëni nëse jeni të shqetësuara rreth kësaj.
Një shumicë dërrmuese e grave kërkojnë stimulim klitorial, jo vetëm depërtim vaginal, për të arritur orgazëm. Vetëm për shkak se nuk keni kaluar ende një orgazmë nuk do të thotë se nuk do të ndodhë kurrë. Shkaqet më të shpeshta janë ankthi për suksesin e raportit seksual, ky ankth paraprak e dëmton ose e kufizon intimitetin me partnerin.
Mund të ndodhë që anorgazmia të vijë për shkak të një frenimi personal, që mund të provokohet nga pasiguria dhe mungesa e vetbesimit. Bllokime psikologjike që mund të vijnë për shkak se personi në të kaluarën ka qënë viktimë e një dhune seksuale, që mund të çojë edhe në humbje ndjenjash.
Ndonjëherë gratë ndjehen të zëna ngushtë dhe të turpëruara, për të shprehur se kanë nevojë për stimulim klitorial dhe shpesh kanë tendencën të evitojnë diskutimin e kësaj teme. Përdorimi i substancave narkotike dhe i antidepresantëve ka gjithashtu ndikim në mosarritjen e orgazmës dhe mund të kenë një efekt frenues mbi të.
