Gardhet e Anglisë do të shtriheshin pothuajse dhjetë herë rreth Tokës nëse do të rreshtoheshin nga fillimi në fund. Të dhënat vijnë sipas një harte të re. Ekologët shpresojnë se të dhënat do të çojnë në mbrojtje më të mirë për linjat shumë të dashura të pemëve dhe shkurreve që ofrojnë ushqim dhe strehë për kafshët e egra dhe ruajnë sasi të mëdha karboni. Skanimi me lazer nga ajri zbulon një total prej 390,000 km gardhe.
Jugperëndimi krenohet me më shumë gardhe, udhëhequr nga Cornwall. Surrey, Hampshire dhe Berkshire. “Ne kemi ndoshta më shumë gardhe në Angli se kudo tjetër në botë, kështu që jemi shumë me fat që kemi këtë burim të madh,”tha Dr.Richard Broughton i Qendrës së Mbretërisë së Bashkuar për Ekologjinë dhe Hidrologjinë, i cili drejtoi projektin. “Si një politikë kombëtare, ne po përpiqemi të zgjerojmë mbrojtjet në këtë vend dhe kjo do të na tregojë se ku ka boshllëqe në rrjetin e mbrojtjeve që ne mund të plotësojmë.”
Gardhet me pemë kanë qenë pjesë e strukturës rurale të Britanisë që nga epoka e bronzit, duke shënuar kufijtë dhe duke ndalur bagëtitë. Ato përmbajnë qindra bimë të ndryshme të egra, ofrojnë strehë për zogjtë folezues, gjitarë të vegjël, insekte dhe mund të kapin dhe ruajnë sasi të mëdha karboni. Rreth gjysma e gardheve të Britanisë u humbën midis viteve 1940 dhe 1990, kryesisht në Angli, për shkak të bujqësisë dhe zhvillimit intensiv. Neglizhenca, dëmtimi dhe largimi mbeten kërcënime të mëdha.
