Leonardo Bonucci ka njoftuar se do të tërhiqet nga futbolli në fund të sezonit të ardhshëm pas një karriere 18-vjeçare ku ai është vendosur si një nga mbrojtësit më të mëdhenj të lojës. 36-vjeçari ka shijuar një karrierë vezulluese të ngarkuar me trofe që e kanë bërë atë një legjendë të Italisë dhe Juventusit.
Bonucci, do të shpresojë të ngrejë Europa League me Juventus këtë sezon përpara se të përgatitet për të nisur fushatën e tij të fundit në futbollin profesionist. Duke folur në një seri intervistash me kanalin e klubit në YouTube për të shënuar paraqitjen e tij të 500-të në Juventus, Bonucci shpjegon se do të largohet nga futbolli në vitin 2024.
Pasi diskutoi ndikimin e ish-portierit Gianluigi Buffon, Bonucci deklaron synimet e tij për të lënë futbollin pas një karriere të jashtëzakonshme duke përfaqësuar Juventusin. “Kur të ndaloj së luajturi vitin e ardhshëm, do të jetë fundi i një epoke mbrojtëse, një mënyrë për të mbrojtur stilin italian”, tha Bonucci.
Është një burim krenarie të jesh atje lart me më të mëdhenjtë. Shpresoj që shumë mbrojtës të ardhshëm, ashtu siç kishim Baresin, Maldinin, Nesta, Cannavaro, do të na shohin të katërt si idhuj.
