Meghan Markle dhe Princi Harry mund të kishin lënë të dhëna për largimin nga Familja Mbretërore vite përpara se të largoheshin nga firma dhe nga Mbretëria e Bashkuar. Duka dhe Dukesha e Sussex-it kapën fansat në befasi në janar të vitit 2020, kur ata njoftuan planet e tyre për t’u dorëhequr si anëtarë të familjes mbretërore dhe për t’u bërë të pavarur financiarisht.
Që atëherë, ata janë zhvendosur nga Britania e Madhe në Kaliforni me djalin e tyre Archie dhe në qershor të këtij viti, ata mirëpritën vajzën e tyre Lilibet. Harry dhe Meghan u takuan në vitin 2016 dhe u martuan në maj të vitit 2018, dy vjet para se të largoheshin nga jeta mbretërore. Në një intervistë të vitit 2015, Meghan, e cila ishte ende një aktore në “Suits” në atë kohë, bëri disa komente që disi dukej se parashikonin vendimin e ardhshëm të saj dhe Harry për t’u bërë i pavarur, raporton Daily Star.
Unë mendoj se pjesa më e madhe e të qenit një vajzë shefe në zyrë, në shtëpi ose kudo që të shkosh është thjesht të dish vlerën tënde. Ndërsa rritesh, ndihesh më komode në lëkurën tënde dhe më qetë kur u thua “jo” gjërave… Është diçka që, mendoj, vjen me moshën dhe me të vërtetë të kesh një ndjenjë të vetëvlerësimit tënd. Më pas bën zgjedhje të bazuara në këtë.
Gjatë një interviste që Harry dhe Meghan dhanë në vitin 2019 ndërsa ishin në një udhëtim në Afrikën e Jugut, Dukesha e Sussex-it pranoi se “nuk ishte mirë”. Ajo e bëri këtë deklaratë në një bisedë me Tom Bradby ku tregoi për presionet e rolit të saj të ri si nënë mbretërore, duke u shfaqur teksa mbante lotët. Meghan u pyet për presionet e vërteta të jetës në qendër të vëmendjes.
Çdo grua, veçanërisht kur është shtatzënë, është vërtet e prekshme dhe kështu është bërë shumë sfiduese, dhe më tepër kur ke një të porsalindur. Gjithashtu faleminderit që më pyetët, sepse jo shumë njerëz më kanë pyetur nëse jam mirë.
