Eleanor Coppola, regjisorja fituese e çmimit Emmy, ka ndërruar jetë në moshën 87-vjeçare. Shkrimtarja fituese e çmimeve Emmy, vdiq të premten në shtëpinë e saj në Rutherford, Kaliforni, njoftoi familja e saj në një deklaratë.
Coppola fitoi një çmim Emmy në vitin 1992 për filmin e saj ‘Hearts of Darkness’. Ajo gjithashtu drejtoi komeditë romantike “Paris Can Wait” (2016) dhe “Love Is Love Is Love” (2020).
Coppola, e cila u rrit në Kaliforni, u transferua në Los Anxhelos për të studiuar në Universitetin e Kalifornisë. Atje, ajo u takua me Francisin ndërsa punonte si asistent drejtor arti në debutimin e tij regjisorial, filmi horror i vitit 1963, i prodhuar nga Roger Corman “Dementia 13”. Brenda disa muajsh nga takimi, Coppola mbeti shtatzënë dhe çifti u martuan në Las Vegas në shkurt 1963.
Arti i saj pamor, duke përfshirë fotografinë, vizatimet dhe pjesët konceptuale, janë ekspozuar në shumë galeri dhe muze në mbarë botën, duke përfshirë një retrospektivë të punës së saj në muzeun e artit Sonoma Valley në 2014.
Përveç artit të saj, Coppola mbahet mend si matriarkja e një familjeje të suksesshme kineastësh, duke rritur me bashkëshortin e saj Francis tre fëmijë që hynë në biznesin e filmit. Francis Ford Coppola është më i njohur për filmin e tij ‘The Godfather’ (1972), i cili konsiderohet gjerësisht një shenjë dalluese e zhanrit amerikan të gangsterëve.
