Së fundmi policia holandeze arrestoi një burrë i cili po ngiste makinën në gjendje të dehur dhe rezultoi se patenta e tij mbante emrin “Boris Johnson”. Dokumenti i rremë ukrainas përmbante një fotografi të ish-kryeministrit britanik si dhe datëlindjen e tij të saktë, 19 qershor 1964.
Megjithatë, dokumenti është i vlefshëm deri në dhjetor të vitit 3000. Një zëdhënës i policisë tha se një makinë u përplas me një shtyllë pranë një ure në qytetin verior të Groningenit pak pas mesnatës. Oficerët e gjetën makinën të braktisur, por më vonë zbuluan shoferin që qëndronte në Urën Ema. “Personi nuk mundi ta identifikonte veten dhe refuzoi të bënte një test të alkolit”, tha zëdhënësi i policisë Thijs Damstra për agjencinë e lajmeve AFP.
Siç raportohet, 35-vjeçari që u arrestua thuhet se është nga qyteti i Zuidhorn, në perëndim të Groningen. Mbetet e paqartë nëse imituesi i Boris Johnsonit ka gjithashtu shtetësi ukrainase. Një ish-korrespondent i Rusisë që punon për transmetuesin publik holandez NOS tha se licenca të tilla false mund të bliheshin në dyqanet turistike në Ukrainë.
