Një dron ka fluturuar mbi një kënetë paqësore të Kalifornisë së Jugut. Objektivi i tij është eliminimi i një popullate në rritje të mushkonjave që mund të përhapin sëmundje te njerëzit. Droni është teknologjia më e fundit e vendosur nga Qarku Orange për kontrollin e mushkonjave në këneta, pellgje të mëdha dhe parqe. Mushkonjat rriten në larva nga vezët e vendosura në ujë, duke e bërë përhapjen e insekteve pickuese një shqetësim të madh pas dimrit jashtëzakonisht me shi të Kalifornisë.
Sipas ekspertëve, droni është në gjendje të trajtojë 1 hektarë tokë në më pak se dy minuta, një detyrë që do të kërkonte më shumë se një orë ecje nga një punëtor me një çantë shpine. Por sipas distriktit, operatorët e dronëve duhet të kenë një licencë piloti në distancë të Administratës Federale të Aviacionit, si dhe një licencë tekniku të kontrollit të fluturakeve pa pilot të Departamentit të Rregullores së Pesticideve në Kaliforni.
Rikujtojmë se në një të ardhme të afërt një dron mund të dërgojë porositë e vitaminave ose suplementeve të tjera për njerëzit që merren me fitness. Kjo pasi kompania udhëheqëse globale e shëndetit dhe mirëqenies GNC po bashkon forcat me Zipline për të ofruar dërgesë plotësisht elektrike me dron në tregje të zgjedhura në SHBA duke filluar nga kjo verë.
