Celebrities Gossip Showbiz

Ndeshje boksi, bashkëpunim me Butrint Imerin apo këngë solo, çfarë surprize ka përgatitur Don Xhoni?

Don Xhoni është padiskutim një nga reperët më të përfolur të momentit. Vetëm pak kohë nga nisja e karrierës së tij dhe ai ka arritur të fitojë zemrat e ndjekësve. Këngët e tij numërojnë miliona klikime duke e bërë kështu reperin shumë të pëlqyer nga ndjekësit.

E projekti më i fundit në fakt padyshim që ia ka mbushur zemrën plot të gjithë fansave të tij të zjarrtë. Reperi i hitit ‘Katile’ sapo publikoi EP-në e tij të parë (mini- album). Brenda vetëm para pak ditësh, artisti ka ndarë me ne katër prej këngëve të shoqëruara së bashku me videoklip.

Por përpos muzikës, artisti njihet edhe për pasionin e tij të madh që është boksi. Shumë pak herë Don Xhoni ndan me ne postime nga ky talent i tij pasi shumicën e kohës i përkushtohet muzikës, por sigurohet që këtë pjesë të mos e lë pas dore.

Me Instastory-n më të fundit, artisti na ka konfuzuar paksa pasi ka postuar një video ku shfaqet në një fushë boksi duke u ndeshur dhe krahas ka shkruar: “Para stuhisë… Shihemi”

Për çfarë po na paralajmëron reperi, një ndeshje apo një këngë të re me videoklipin që lidhet me pasionin e tij, nuk e dimë ende. Megjithatë, mund të jetë edhe një bashkëpunim me mikun e tij dhe këngëtarin Butrint Imeri, i cili me anë të një postimi para disa ditësh, shkruajti: “Qetësia para stuhisë”.

Epo na mbetet të presim dhe pak derisa Don Xhoni të na zbulojë surprizën që ka përgatitur për ne…