Zhvillimi i një kremi novator për lëkurën nga shkencëtarët premton të revolucionarizojë mbrojtjen nga dielli dhe kujdesin ndaj lëkurës. Ky krem që përmban një formë artificiale të melaninës, jo vetëm që mbron lëkurën nga rrezet e dëmshme ultravjollcë, por gjithashtu riparon në mënyrë aktive dëmtimet e vogla nga dielli në kohë reale.
Duke kapur dhe neutralizuar radikalet e lira të shkaktuara nga ekspozimi në diell, kremi vepron si një mbrojtje e fuqishme kundër degradimit të kolagjenit përgjegjës për shenjat e plakjes si rrudhat dhe strijat. Ekipi i studiuesve ka formuar një “supermelaninë” që tejkalon versionin natyral në vetitë shëruese dhe mbrojtëse.
Struktura unike e kësaj melanine sintetike i mundëson asaj të thithë më shumë radikale të lira, duke ndaluar në mënyrë efektive dëmtimin e shkaktuar nga rrezet ultravjollcë. Testimi në mostrat e lëkurës njerëzore dhe minjve të ekspozuar ndaj rrezatimit të simuluar të diellit ka dhënë rezultate premtuese, duke treguar se kremi mund të parandalojë dhe riparojë dëmtimin e lëkurës.
Ai tregon potencial jo vetëm në trajtimin e efekteve të plakjes së diellit, por edhe në ndihmën për shërimin e lëkurës nga burime të tjera dëmtimi, si djegiet kimike dhe ndotësit. Aftësia e kremit për të shkaktuar një përgjigje të dobishme imune e përforcon më tej efektivitetin e tij në luftimin e dëmtimit të lëkurës. Ndonëse produkti duhet t’i nënshtrohet ende provave të mëtejshme, hulumtimi paraqet një hap të rëndësishëm përpara në fushën e mjekësisë rigjeneruese.
Shenjat dhe njollat më së shpeshti shfaqen në pjesën e fytyrës, hundës, ballit, duarve, shpinës dhe dekoltesë dhe më shpesh shfaqen tek personat me lëkurë më të bardhë. Njollat e diellit janë rezultati i një dermatiti të shkaktuar nga rrezatimi intensiv dhe pa mbrojtjen e duhur në lëkurë. Nëse në shumicën e rasteve, skuqjet dhe djegiet e lëkurës zhduken me kalimin e kohës, njollat në ngjyrë të errët që mbeten aty janë afatgjata. Një shkak tjetër i shfaqjes së njollave kafe vjen nga çrregullimet hormonale. Po kështu, edhe përdorimi i kremrave dhe i parfumeve fotosensibilizant ndikon drejtpërsëdrejti në formimin e tyre.
