Kim Kardashian dhe Pete Davidson janë parë së bashku në Beverly Hills pasditen e së enjtes. Ylli 41-vjeçar i realitetit televiziv dhe 28-vjeçari ishin me veshje sportive të errëta, teksa dilnin nga shtëpia e një shoku në Beverly Hills. Kjo pamje vjen menjëherë pasi TMZ pretendoi se ish-i i Kim-it, Kanye West, po u thotë të gjithëve se Pete ka SIDA.
West thuhet se po u thotë miqve se i dashuri i ri i ish-gruas së tij Kim, Davidson ka SIDA. Miqtë e tyre të përbashkët e kanë quajtur sjelljen e Kanye si fëminore dhe thuhet se janë të hutuar dhe të shqetësuar. Komentet e supozuara të Kanye kanë çuar në biseda të sikletshme mes aktorit dhe miqve të tyre të përbashkët. Burime pranë reperit të kësaj gazete e kanë quajtur marrëzi, por nuk ka pasur një përgënjeshtrim zyrtar nga ana e reperit. Por të enjten Pete nuk tregoi asnjë shenjë shqetësimi.
Humoristi mbante një xhaketë të gjelbër, syze dielli të zeza dhe pantallona sportive. Nëna e katër fëmijëve dukej mirë me një triko të zezë dhe një palë streçe të ngushta. Ata të dy mbanin maska të zeza për fytyrën mes rasteve të vazhdueshme të koronavirusit pasi varianti Omicron ka arritur kulmin në Los Angeles. Një burim i tha Us Weekly:
Pete ka kaluar më shumë kohë në Los Angeles për të qenë afër Kim dhe ai po kërkon të gjejë një vend atje.
Kim ka North, Saint, Chicago dhe Psalm me ish-bashkëshortin e saj Kanye West, por burimet kanë thënë se fëmijët ende nuk janë takuar me Pete.
